SmartPass

Ku SmartPass di ABC; bo ta biaha fásil, lihé i sigur. SmartPass ta parse un tarheta di krédito. Bo ta paga riba konvoinan di ABC sin kòrda ku mester kana ku sèn kèsh.

Pasahero

abc-smart-pasjes-pasahero-drukklaar.jpg
E SmartPass  akí ta pa tur usuario di ABC.
E tarheta ta rekerí identifikashon di kliente pa registra i  e por uz’é riba tur ruta.
Mas ku ún persona por uza e tarheta na mes momentu i repetidamente te ora e saldo kaba.

65+

smartpass-65plus-with-info.jpg

E SmartPass  akí ta solamente pa klientenan 65 Plus.
E tarheta ta rekerí identifikashon di kliente i e por uz’é riba tur ruta.
Por uza e tarheta repetidamente te ora e saldo kaba.
E karchi akí ta personal; no ta pèrmití otro persona hasi uzo di dje.

 

Stap 1 Registrá 


Registrashon ta nesesario tantu pa e SmartPass Pasahero komo e  65+, komo nan ta rekerí informashon di kliente.
Aktualmente registrashon ta sosodé solamente na ofisina prinsipal di ABC na Industrieterrein Buena Vista z/n di djaluna pa djabièrnè entre 07:30 - 12:00 i 13:00 pa 16:00. E persona tin ku akudí na ofisina di ABC na Buena Vista, kaminda lo tuma su datonan personal i tambe saka un potrèt. Den e kaso di un tarheta 65+ i e  lo keda produsí al instante.

Stap 2 Rekargá


Pa por sigui hasi uso di e SmartPass mester rekarg’é. Aktualmente por rekargá na Terminal Punda, Terminal Otrabanda i na nos ofisina prinsipal na Buena Vista, ku un mínimo di ANG. 5,-. Pronto nos lo amplia e puntonan di rekargo, pa asina fasilitá tur usuario aún mas.

Stap 3 Pasa karchi (Swipe)


Ku e SmartPass por paga riba konvoinan di ABC sin kòrda ku mester kana ku sèn kèsh. E sistema lo retené e informashon akí den su memoria i na momentu ku pasa e tarheta dilanti e SmartPass reader na entrada serka e shofùr, e mashin mes ta lesa e informashon den e tarheta i outomátikamente e ta dedusí e balor di e kareda.

Pa registrá pa un SmartPass yena e formulario riba e pagina aki òf tuma kontakto ku nos pa mas informashon na number di telefòn 724-4222.

 

SPAR I TROKA ‘1 2 3 FÁSIL SERKA AUTOBUSBEDRIJF CURAÇAO!

 

Transporte públiko a bira mas fun, ku bo Smartpass i Fun Miles.
Bo por spar i Troka den 1 2 3 paso fásil:

1.         Rekargá bo Smartpass
2.         Spar i troka Fun Miles
3.         Kue konvoi fásil i sigur

Miembronan di Fun Miles por tantu spar komo troka miles ora nan rekargá. Ora di spar, bo ta risibí 1 Fun Mile pa kada 2,50 ku bo ta gasta. Òf por troka Fun Miles tambe pa e montante di saldo deseá. “Ken di ku Sabí  no por ta Fun?”

fm-intro-abc-busbedrijf-tv-poster.jpg

Kumpra bo Fun Miles na nos sentro di informashon na Punda, Otrobanda of na nos ofisina prinsipal na Buena Vista pa bo no keda afo di e fun! Pa mas informashon di e tarheta di Fun Miles, bishita nan wepsait www.funmiles.net

Formulario di registrashon

 
falta informashon òf ta inkorekto

E formulario no por wòrdu manda ainda pasó e no ta yená henteramente (korekto)

Si bo tin 65 aña di edat òf mas, porfabor upload un pasfoto resien aki bou.