Willemstad –  entrante djabièrne 29 di yüli 2022, konvoinan di Autobusbedrijf Curaçao (ABC) lo yega te na kenepa grandi. Esaki ta duna oportunidat na tur ku ke biaha relèks i yega sigur te na laman, por hasi esaki awor ku e servisio di transporte di ABC.

ABC ta ofrese minimo kuater orario di salida for di Otrobanda i tambe for di Kenepa grandi, for di 8:30 di mainta te ku 6:15 di atardi. Pues esaki ta un oportunidat pa asina disfruta ku famia of amigunan den e temporada di vakansi aki.  

Tuma nota di e orarionan di salida di e ruta 3C Lagun Knip for di Otrobanda i tambe for di Kenepa grandi, riba ABC su webiste autobusbedrijf.com.