Reglanan di kondukta

Pa bo komodidat i esun di otro pasahero, por fabor para den rei i drenta unu unu den konvoi.

Pa fasilitá e trabou di nos shofùrnan, por fabor paga ku sèn largá òf ku SmartPass.

 Pa komodidat di otro pasahero, por fabor usa solamente”earpiece” si bo ke skucha radio.

Tene kuenta ku tur hende mester paga, ku eksepshon di mucha te 2 aña. E mester ser transportá riba pia di un mayor.

Ningun persona por para dilanti di e turnikèt. Ora bo drenta konvoi i tur asiento ta okupá, por fabor pasa bai para mas patras posibel pa mas pasahero por drenta.

Pa trankilidat i komodidat di otro pasahero i pa mantené nos stulnan den bon kondishon, por fabor sinta únikamente riba e asiento di stul i no riba e lomba.

Pa por ofresé abo i tur otro pasahero un konvoi limpi, nos no ta permití pa drenta ku bibida òf kuminda.

Nos no por aseptá ningun tipo di animal den konvoi.

Por fabor, no drenta konvoi pia’bou. 

Por fabor, no drenta konvoi den trahe di baño.

Ta prohibí pa huma den konvoi.

Ta prohibí pa drenta den konvoi bou di influensia di alkohòl òf droga.