Eksplorá Kòrsou

ku transporte públiko

Sera konosí ku e isla ku konvoi

Bo sa ku bo por yega hopi playa i lugánan popular lokal ku konvoi? Ruta 6A ta hiba bo pa Mambo Beach, Caracasbaai, i Jan Thiel. 1B ta hiba bo di kompra na Saliña, Promenade Mall, i Zuikertuin Mall i Ruta 3C asta ta hiba bo te Lagun i Playa Kenepa. Tur esaki ku un kosto masha abou kompará ku hür un auto òf tuma un taksi!

Deskargá nos app (iOS | Android) òf usa e agènda di biahe riba e wèpsait aki pa haña bo kaminda, E manera lokal.

Tarifa di konvoi

Nos ta aseptá moneda lokal òf US$

South Side

Kuminsa bo trip pa e parti zùit di nos isla for di Punda òf Otrobanda.

ABC Curaçao App

Ta bon informá kon bo ta yega bo destinashon ku e ABC APP.

ITINERARIO DI KÒRSOU

Tesoronan di kunuku

Banda Abou ta kaminda bo ta topa e tesoronan kantu di kaminda ku bo no ta haña den ningun otro lugá na mundu. ABC Kòrsou tin varios rutanan ku ta hiba bo kompletamente pa e parti Wèst, na e ruta nort òf sur.

PLAYANAN NA PARTI ZÙIT

Ruta 3C ta bai e parti zùit for di Otrobanda pa Landhuis Knip i/òf Playa Kenepa, via St Willibrordus.

07:30 AM – Disfrutá di desayuno di bufèt na hotèl Renaissance òf solamente un kòp’i kòfi i un sèntwich na Starbucks
08:30 AM – Kue ruta 3C Lagun na Terminal di konvoi na Otrobanda (2 minüt, kanando for di Starbucks)
08:57 AM – Baha na e saliñanan di Jan Kok pa mira e flamingonan i eksplorá e área i/òf bishitá galeria di Nena Sanchez na Landhuis Jan Kok.
Alternativamente, baha na Hofi Mango Park (09:18) pa eksplorá naturalesa i historia di Kòrsou na e antiguo plantashon aki.
10:58 AM – Kue e siguiente ruta 3C Lagun pa hiba bo pa Lagun pa un almuerso tempran i rekreá na Playa Lagun.
01:50 PM – E siguiente konvoi 3C Lagun lo hiba bo te na un di e playanan mas famoso (i mas bunita) di Kòrsou, Playa Kenepa pa un atardi agradabel di divershon na laman.
06:02 PM – Kue e konvoi bèk pa siudat i disfrutá di e kolónan asombroso di bahada di solo na Kòrsou riba e ruta.

NATURALESA IMPRESHONANTE DI E PARTI NORT

Ruta 9A ta bai e parti for di nort di Otrobanda pa Westpunt, via Grote Berg i Parke Christoffel.

07:00 AM –Kue ruta 9A Westpunt na Terminal di Konvoi na Otrobanda.
07:26 AM – Baha for di konvoi na Landhuis Daniel. Na e parti patras tin un área popular pa kana ku yamá ‘Bahia di Daniel’ ku por hiba bo te na e parti nort di e isla. Soru pa bo tin sufisiente awa, bo telefòn ta kargá, i bo tin GPS i un mapa offline di e isla riba bo telefòn.
09:38 AM – Kue e siguiente konvoi di ruta 9A for di Landhuis Daniel pa Parke Christoffel.
10:00 AM – Na Parke Christoffel bo por bishitá Museo Savonet pa siña mas tokante e historia di e área for di e periodo di e indjannan Arawak te e periodo di sklabitut, e abolishon di sklabitut i independensia di Kòrsou na 2010. Tin hopi kos pa hasi akinan, asina ku bo por skohe pa keda den e área pa un ratu pa un ekskurshon, un kaminata, òf un tour òf bo por tuma e siguiente konvoi pa Westpunt.
11:45 AM – E siguiente konvoi lo hiba bo pa e último parti di Westpunt. Aki bo por kome na Jaanchie’s; e restorant mas bieu di Kòrsou ku un abundansia di para, e menú den forma di un kaminata espektakular, i un di e mihó lugánan pa kome yuana riba e isla
Despues di bo almuerso ta keda solamente un kaminata kòrtiku for di e restorant pa Playa Piskado (bai na banda drechi na e palunan pintá) pa disfrutá di algun tempu di trankilidat na playa i kisas asta snòrkel ku turtuga.
04:29 PM – E konvoi ku ta regresá bèk Willemstad ta sali for di e misa katóliko ku bo ta topa ora bo subi e trapinan na final di e playa.

Tur orario di yegada i salida menshoná aki ta orarionan stipulá na momento ku a skirbi e informashon aki. Nan no ta basá riba tempu real i por kambia.

Ruta 3C Lagun

Ruta 9A Westpunt

Flamingo na Jan Kok

Hofi Mango

Playa Piskado

Christoffel Park

Influensianan Oropeo

E parti di e isla na ost di Willemstad, tin e nòmber di Banda Ariba (òf Bándariba pa kòrtiku). Esaki ta kaminda bo ta haña hopi di e lugánan ‘turístiko’ mas di Kòrsou ku influensianan Oropeo fuerte. ABC Kòrsou tin varios rutanan ku ta hiba bo te na e punta mas ost posibel.

PLAYANAN NA PARTI OST

Ruta 6A Caracasbaai ta kore na e parti di kosta zùit di e isla for di Punda i Pietermaai te na Mambo Beach, Caracasbaai, i Jan Thiel.

07:30 AM – Disfrutá di un bon desayuno na Punda òf Pietermaai promé ku bo bai pa e terminal di konvoi banda di e pòstkantor den Punda.
08:30 AM – Kue e ruta 6A Caracasbaai pa un biahe kòrtiku pa Mambo Beach.
08:41 AM – For di e parada di konvoi, esaki ta un kaminata kòrtiku (~2 minüt) pa e entrada di e playa. Aki lo bo mira promé tur tipo di tienda pa tur bo nesesidatnan di playa i despues bo por skohe unda bo ke pasa bo mainta na e playa. For di e atmósfera trankil di Wet & Wild te na e luhoso Madero Ocean Club òf podisé bo ta preferá e ambiente Bohemio di Mood Beach; tin algu pa tur hende, asta pa muchanan.
02:26 PM – Despues di almuerso, ta tempu pa sigui ku ruta 6A.
02:39 PM – Baha for di konvoi na e rotònde di Caracasbaai pa un kaminata despues di almuerso banda di awa.
03:54 PM – Bèk na e rotònde bo por tuma ruta 6A atrobe pa e último trayekto kòrtiku pa Jan Thiel.
03:57 PM – Jan Thiel ta e lugá di varios beach club i restorant i si bo hasi e biahe aki riba un djasabra bo por disfrutá di un di e happy hournan mas grandi di e isla entre 5 & 6 PM na Zanzibar Beach. I ya ku bo ta move ku konvoi, sintí bo liber pa disfrutá un par di bibida pero responsabel.
07:00 PM – Bo biahe bèk pa Willemstad ta bini ku un bahada di solo masha bunita.

SENTRONAN KOMERSIAL I ÁREANAN DI KOMPRA DI WILLEMSTAD

Playanan i kultura ta dushi, pero tin bes simplemente bo ke bai di kompra. Tin varios áreanan di kompra i sentronan komersial ku definitivamente ta bal un bishita i ABC por yuda bo yega na e luganan aki.

08:00 AM – Kue ruta 1B Schottegat na Terminal di Konvoi na Punda.
07:41 AM – Bai baha na e parada di Neptunusweg i krusa kaminda pa bai na Promenade Shopping Center. Aki bo por desayuná na De Dames, un lugá popular pa desayuno/almuerso entre turistanan i hendenan lokal, i despues bo por bishita e tiendanan disponibel.
10:47 AM – Ku ruta 1B na e mes un parada kaminda bo a baha, i baha na e próksimo parada. Den teoria bo por kana tambe pa e próksimo sentro komersial pasobra e ta entre e parada aki i e próksimo, pero e tráfiko por ta malu i no tin kaya kaminda bo por kana fásil.
10:48 AM – Na e próksimo parada bo por kana un tiki bèk pa yega na Zuikertuintje Mall. E sentro komersial ku èrko aki tin un tiki di tur kos; moda, kuido pa kurpa, prenda, i asta un tienda di kos dushi i un libreria. Nan tin tambe varios lugá pa bebe kòfi i restorant pa kome algu rápido òf almuerso tempran.
01:52 PM – Kue ruta 1B den direkshon kontrali na e parada na e otro banda di kaminda for di kaminda bo a baha, bèk pa Punda.
02:09 PM – Nos sentro históriko di siudat ta grandioso pa hasi kompra i miéntras bo ta hasiendo esaki bo por move di forma trankil i krusa e brùg pa e terminal di konvoi na Otrobanda. Si bo tin tempu lo ta bale la pena pa tuma un desviashon i pasa dor di dor di Riffort i Renaissance Mall pa bishita algun tienda pa kumpra regalo.
03:15 PM – Kue ruta 3C Lagun pa bai Sambil Shopping Mall.
03:24 PM – Bai baha na e parada di Mina Scharbaai nèt dilanti di e sentro komersial. E sentro komersial ku èrko di Sambil ta e sentro komersial mas grandi di e isla i tin hopi diferente tipo di tienda, un bon food court, i sufisiente aktividat pa muchanan di tur edat. Nan asta tin nan propio sine den e sentro komersial.
05:38 PM – Kue ruta 8A bèk pa Otrobanda òf regresá mas lat si bo no ta kla ainda. Vários ruta ta para na e parada di konvoi aki i bo por usa e app di ABC Curaçao pa tene kuenta ku e orarionan stipulá i asina bo por ta na e parada di konvoi tempran.

Tur orario di yegada i salida menshoná aki ta orarionan stipulá na momento ku a skirbi e informashon aki. Nan no ta basá riba tempu real i por kambia.