
-
Kon mi por solisitá pa un funshon na ABC?
Pa solisitut mester manda karta di solisitut via e-mail na info@autobsubedrijf.com òf pasa na ofisina prinsipal na Buena Vista i tuma un formulario pa yena i entregá.
-
Kuantu biaha pa dia mi por pasa e SmartPass?
Por pasa e karchi te ora e saldo riba e SmartPass kaba. Si e kaba mester rekargá esaki na un di nos puntonan di rekargo. Post Punda, Otrobanda of Ofisina prinsipal na Buena Vista.
-
Kuantu hende por hasi uzo di un SmartPass?
E SmartPass 65+ no ta permití pa otro persona hasi uso di bo SmartPass , si esaki sosodé tòg, nos ta obligá na tuma medida. E SmartPass Pasahero mas ku un persona por uza esaki.
-
Mi SmartPass no ke traha, e la daña òf pèrdè.
Si bo pèrdè òf daña bo SmartPass ta kobra ANG. 5,- pa haña un nobo. Si bo a pèrdè bo SmartPass òf a hòrt’é, pasa mas pronto posibel sea na Terminal Punda òf na Terminal Otrabanda òf na nos ofisina prinsipal na Buena Vista i raportá esaki.
Si bo SmartPass kibra òf daña pa motibu di mal kuido òf mal uzo, mester paga e suma di ANG. 5,- pa bo por haña un nobo. E Smart Pass ta bálido pa 2 (dos) aña.
Si bo tin kualke problema ku e SmartPass durante uzo òf na momento di rekargá, por yama semper na tel: 724-4222 pa asistensia -
Unda mi por entregá un keho?
Pa un keho por yena e formulario na Kontaktá ABC òf por tuma kontakto ku ofisina prinsipal na number di telefòn 724 - 4222.
-
Kon mi por ckèk saldo di mi SmartPass?
E shofùr, òf na kualke punto di rekargo, por duna informashon tokante e saldo disponibel riba bo SmartPass.
-
Kon mi por rekargá mi SmartPass?
Pa por sigui hasi uso di e SmartPass mester pone rekargo. Por rekargá na Terminal Punda, na Terminal Otrobanda i na nos ofisina prinsipal na Buena Vista ku un mínimo di ANG. 5,-
-
Kon mi por bin na remarke pa un SmartPass?
Pa esaki mester registrá na ofisina prinsipal di ABC na Industrieterrein Buena Vista z/n di djaluna pa djabièrnè entre 07:30 pa 12:00 i 13:00 pa 16:30. E persona tin ku akudí na ofisina di ABC na Buena Vista, kaminda nos lo tuma su datonan personal i tambe saka un potrèt.
-
For di ki ora konvoinan ta kuminsá kore?
Konvoinan ta kuminsá for
di mainta trempan; 05:15 a.m. ya e promé konvoinan ta riba ruta. -
Kon mi por hasi reservashon di konvoi?
Reservashon di konvoi por tuma lugá:
via telefòn : 724-4222
via e-mail : sales@autobusbedrijf.com -
Unda mi por haña informashon i orario di ruta?
Link
-
Kua ta orario di ofisinanan di ABC?
Nos orario ta di 07:30 a.m. pa 12:00 i 13:00 pa 16:30 p.m.
-
Kon mi ta paga pa hasi uso di konvoi di ABC?
Bo por paga kèsh riba konvoi òf registrá pa un SmartPass na nos ofisina prinsipal na Industrieterrein z/n, Buena Vista. Por rekargá SmartPass tambe na bankomátiko na Terminal Punda, Terminal Otrabanda i na ofisina prinsipal.
-
Komo 65+, kon mi por bin na remarke pa paga preis redusí?
65+ ta paga ANG. 1,75 riba tur e rutanan ku ta kubri e area di suidat i Banda riba i ANG. 2,25 riba tur e rutanan ku ta kubri e area di Bandabou, Tera Kòrá, Lagun i Westpunt. Pa bin na remarke, 65+ mester registrá na ofisina prinsipal na Industrieterrein z/n, Buena Vista pa un ABC SmartPass.
-
Mi por paga ku sèn di papel den bùs?
Pa fasilitá e trabou di nos shofùrnan, por fabor, paga ku sèn largá.
-
Na kua edat mester paga pa biaha den konvoi?
Mucha riba dos aña (2>) mester paga. Bou di dos aña (<2) ta pòrnada, pero mester ser transportá riba pia di mayor.
-
Kua ta e tarifanan di konvoi di ABC?
Parti Punda (Stadsdistrict) ta kosta ANG. 2,00 i parti di Otrobanda (Banda Bou, Tera Kòrá, Lagún i Westpunt) ta ANG. 2,50.