WILLEMSTAD – Resientemente Fun Miles a introdusí Autobusbedrijf Curaçao (ABC) komo su partner nobo. Usuarionan di konvoi i alabes miembronan di Fun Miles awor por spar i troka Fun Miles ora ku kreditá nan ABC SmartPass. Tur esnan ku a rekargá nan SmartPass den luna di sèptèmber i spar òf troka nan Fun Miles, outomátikamente lo a partisipá den un rifa ku chèns di gana 10.000 Fun Miles. E kampaña a resultá un gran éksito! Masha pabien na Arshel Martis ku a resultá ganadó di 10.000 Fun Miles. Awor Sr. Martis por hasi hopi kos fun; rekargá su SmartPass, kumpra material di konstrukshon, hasi kompras i hopi mas!

Un partnership úniko
Ya kaba usuarionan di konvoi por a tuma nota di ‘e bùs di Fun Miles’, di un manera kreativo a pèrkurá pa Fun Miles yega ainda mas serka di komunidat. E konvoinan di Autobusbedrijf Curaçao (ABC) ta konektá pueblo di Kòrsou di punta pa punta i di mes manera Fun Miles, e programa di rekompensa di mas grandi na Kòrsou ta pèrmití su miembronan disfrutá di kampaña- i ofertanan rònt Kòrsou. Pues, di bèrdat un partnership úniko! Pa mas informashon, i un splikashon di e diferente tarhetanan i kon bo por spar i troka Fun Miles ku bo SmartPass bishitá autobusbedrijf.com òf bishita e terminal nan di Otrobanda òf Punda.

Mas informashon tokante Fun Miles?
Tuma kontakto ku servisio na kliente na number 465 3300 òf bishitá funmiles.net òf facebook.com/funmiles.