N.V. Autobusbedrijf Curaçao (ABC)
ta buska kandidatonan pa e posishon di:
“Marketing & Communicatie Medewerker”.
Bo ta un persona kreativo ku pashon pa komunikashon i merkadeo, i bo ke kontribuí na mehorá e eksperensia di biaha di nos pasahero na e kompania di transporte públiko di Kòrsou?
Deskripshon di Funshon:
Komo un empleado di Merkadeo i Komunikashon, bo ta responsabel pa promové nos servisio i reforsa e komunikashon ku pasahero i partnernan. Bo ta traha serka ku varios departamento den kompania i bo ta raportá na e Koordinador di Merkadeo i Komunikashon riba e siguiente tareanan:
• Mantene kontenido i manehá e website i kanalnan di medionan sosial manera Instagram, Facebook, YouTube, i LinkedIn;
• Asistí den organisashon di aktividatnan di kompania i eventonan;
• Kontribuí na kreashon i implementashon di un programa di komunikashon interno pa informá personal regularmente tokante desaroyonan interno i proyektonan futuro;
• Asistí ku asuntonan di relashon públiko i kontribui na reunionnan i momentunan di prensa interno i externo;
• Asistí e Koordinador di Merkadeo i Komunikashon ku desaroyo di plannan anual i operativo;
• Kontribuí na desaroyo i implementashon di produkto di merkadeo nobo i e promoshonnan i gadgetnan nesesario pa introdusí/promové e produkto i servisio aki na merkado;
• Monitor i detektá desaroyonan relevante lokal i internashonal na e area di trabou di e organisashon i den e area di Merkadeo i Komunikashon.
Eksigensianan di Funshon:
• Edukashon MBO+ kompletá den e area di Merkadeo i Komunikashon;
• Minimo 2 aña di eksperensia den un posishon relevante;
• Konosementu di programanan di Microsoft Office manera Excel, PowerPoint i Word;
• Abilidatnan di komunikashon;
• Un persona kreativo, asertivo, dirigi riba resultado i kliente, fleksibel i integro;
• Abilidatnan di komunikashon por eskrito i verbal na Hulandes, Ingles i Papiamentu.
Aplikashon:
Bo tin sufisente eksperensia di trabou den e area aki pa bo por duna kontribushon inmediato komo miembro di ekipo pa fortifiká nos tim di Merkadeo?
Manda bo karta di motivashon mas tarda 23 di yanüari 2025, kompañá ku un curriculum vitae, ku e titulo di “Marketing & Communicatie Medewerker” na: N.V. Autobusbedrijf Curaçao, atenshon di HR Manager sra. Nancy Casten, Departamentu di Rekurso Humano, Industrieterrein Buena Vista z/n. Email: info@autobusbedrijf.com Tel. 724-4222.
Solisitá awor i kontribuí pa mehorá e eksperensia di nos pasaheronan!